Thyroid ka waa qanjidh ku yaala cunaha kaas oo shaqadiisu tahay ina Hormone ka TSH ( thyroid stimulating hormone) uu soo saaro.
Hormonka TSH shaqooyinka jidhka u u hayo waxa ka mida:
- Ka qayb qaadashada burburinta cuntada marka la shiidayo.
- Waxa uu ka qayb qaataa kartaa burburinta duxda ama baruurta.
- Caruurta, Hormonada thyroid ka waxa ay ka caawiyaan koriinka iyo xoojinta lafaha.
- Hormonada thyroid ka sidoo kale waxa uu saameeyaa dhiiga caadada iyo uurka.
- Sidoo kale waxa ay muhiim u yahiin koriinka iyo kobcinta maskaxda, yaraanshaha hormonada thyroidka waxa uu keeni karaa xasuusta oo yaraata, caajis iyo hurdo la’aan.
Macdanaha iyo Fitaminada Muhiim ka shaqada qanjidhka thyroidka:
1. Iodine
Iodine ta waa macdan lagama maarmaan u ah soo saarista hormonada thyroid ka, yaraanshaha Iodine tu waa sababta koobaad ee keenta hypothyroidism ka.
Cuntooyinka laga helo waxa ka mida:
- Milixda Iodine lagu daro – waxa jirta milixyada qaar lagu daro iodine taas oo cuntada dusha lagaga daro, isticmaalka milixdaas waa il fudud oo aad ka heli kartid iodine.
- Kalluunka
- Caanaha
- Beedka
- Hilibka Lo’da.
2. Selenium
Salenium waa macdanka oo muhiim u ah qanjidhka thyroidka,
Cuntooyin ka laga helo salenium ka waxa ka mida:
- Cuntooyinka badda sida kalluunka
- Tuna ( kulluunka qasaacadaha)
- Hilibka cas
- Brazilian nuts – waa nooc lawska ka mida.
3. Fitamin D
Dadka inta badan hormoonka thyroidka uu ka yareedo sidoo kale waxa ka yar fitamin D ga.
Fitaminka D ga waxa laga helaa cadceeda iyo cuntooyinka qaar sida kalluunka, beedka, hilibka cas, iyo beerka.
4. Zinc
Zinc waxa u muhiim u yahay soo saarista hormoonada thyroidka, iyo koriinka jidhka.
Cuntada zinc kiga laga helo waxa ka mida:
- Hilibka
- Lawska
- Beedka
- Baradhada
5. Iron (Feero)
Iron ta cuntooyinka laga helo waxa ka mida hilibka, beans ka, misirka, iyo broccoli.
Fiiro gaara : In kasta oo nafaqooyinka iyo cuntooyinka kor ku xusan dhamaan ay taageeraan shaqada qanjidhka thyroidk, balse marka uu thyroidka shaqadiisu yaraato waxa laga yaabaa ina loo baahdo kaabis dheeraad ah.